Azərbaycan Güləş Federasiyası (AGF) məşqçilərin Ümumrespublika seminarına start verib.
Sumqayit24.az xəbər verir ki, güləş məşqçiləri üçün təşkil edilən tədbir noyabrın 18-də Sumqayıtda baş tutacaq.
Seminar çərçivəsində milli komandalarımızda çalışan mütəxəssislər və hakimlərimiz nəzəri və praktiki məşğələlərdə öz təcrübələrini məşqçilərlə bölüşəcək, məşqlərin keçirilməsi, güləş qaydalarının ətraflı izahı və s. mövzuda geniş məlumat verəcəklər.
Layihə Abşeron-Xızı Regional Gənclər və İdman İdarəsi tərəfindən reallaşıb. Seminarın növbəti mərhələsi Mingəçevir şəhərində noyabrın 20-də keçiriləcək.
