Bobir Abdixolikov mövsümün sonu "Sumqayıt" klubunu tərk edə bilər.
Sportinfo.az-ın məlumatına görə, komanda və məşqçilər korpusu onun çıxışından məmnun olsa da, özbəkistanlı legionerin yüksək əməkhaqqısı problemə çevrilib.
Bu ilin fevral ayında transfer edilən forvardla 6 ay +1 il şərti müqavilə imzalanıb. Növbəti 1 ilin aktivləşməsi klubun yox, yalnız futbolçunun istəyilə mümkün ola bilər.
Bobir həm də Özbəkistan millisinin şərəfini qoruyur. Hazırda asiyalıların 2026-cı ildə keçiriləcək Dünya Çempionatına getmək şansı yüksəkdir. Məhz bu məqam da danışıqlarda "9 nömrə"nin xeyrinə işləyən amildir.
Bobir Abdixolikov qış transfer pəncərəsində vətəninin “Nasaf” klubundan “Sumqayıt”a keçib. O, “kimyaçılar”ın heyətində 7 oyuna 2 qol, 1 məhsuldar ötürmə ilə yadda qalıb.
