Bu gün sumqayıtlı beynəlxalq dərəcəli qrosmeyster Zeynəb Məmmədyarovanın doğum günüdür.
Zeynəb Həmid qızı Məmmədyarova 1983-cü ildə Sumqayıt şəhərində anadan olub. Orta təhsilini 23 saylı orta məktəbdə alıb. Azərbaycan Beynəlxalq Universitetini bitirib.
Zeynəb “Məmmədyarovlar” Şahmat Məktəbinin qurucusu, Sumqayıt Olimpiya İdman Kompleksinin direktoru, Şahmat Federasiyasının Sosial və Qadın Komissiyasının sədri, Sumqayıt bələdiyyəsinin üzvüdür.
Məmmədyarova milli komandada keçirdiyi 15 ildən çox müddətdə aparıcı oyunçu və kapitan olub, Dünya və Avropa çempionu adını qazanıb.
Redaksiyamız Zeynəb xanımı təbrik edir, ona uzun ömür, can sağlığı və işlərində uğurlar arzu edir.
