“Qarabağ” futbol klubu “Sumqayıt”ı yenilənmiş stadionda qəbul edəcək.
Sumqayit24.az xəbər verir ki, ağdamlılar ev oyunlarının "Azərsun Arena"da keçirilməsi üçün Peşəkar Futbol Liqasına (PFL) müraciət edib.
Müraciətdə stadionda təmir və bərpa işlərinin başa çatmaq üzrə olduğu və klubun Misli Premyer Liqasının 2024/2025 mövsümünün son ev oyunlarını “Azərsun Arena”da qəbul etmək istədiyi bildirilib.
“Qarabağ” klubunun müraciətini, Əsasnamə tələblərinin qorunmasını nəzərə alan PFL məsələni müsbət qarşılayıb.
Beləliklə, 33-cü turun “Sumqayıt” ilə mayın 4-də gerçəkləşəcək görüşündən etibarən “köhlən atlar” ev oyunlarını “Azərsun Arena”da keçirəcək.
