Sumqayıtlı şahmatçılarımız “Shusha Chess 2022” ilk beynəlxalq şahmat turnirinə qatılacaqlar. Bu barədə 31 avqust tarixində Şahmat Federasiyasına istinadən xəbər veririk.
Görkəmli şairə və xeyriyyəçi Xurşidbanu Natəvanın 190 illik yubileyinə həsr olunan turnirdə Şəhriyar Məmmədyarov və Vasif Durarbəyli iştirak edəcəklər. Turnir iki kateqoriyada - kişilər və qadınlar arasında keçiriləcək. Hər kateqoriya üzrə 10 şahmatçı rapid və blits üzrə mübarizə aparacaq.
21-24 sentyabr tarixlərində keçiriləcək turnir Gənclər və İdman Nazirliyi, Azərbaycan Şahmat Federasiyası və Şuşa Şəhəri Dövlət Qoruğunun birgə təşkilatçılığı ilə həyata keçiriləcək.
