Xarici legioner Sumqayıtın futbol klubu ilə yollarını ayırıb.
Sumqayıt24 xəbər verir ki, yerli təmsilçi müdafiəçi Slavişa Radoviçlə müqaviləni qarşılıqlı razılıq əsasında ləğv edib.
Qeyd edək ki, 30 yaşlı Slavişa komandaya iyul ayında cəlb edilib. Serbiyalı futbolçu ilə 1+1 illik müqavilə imzalanmışdı.
Sumqayıt” FK-nın mətbuat katibi Zaur Xudiyev redaksiyamıza futbolçunun gediş səbəbini açıqlayıb. O bildirib ki, oyunçu ilə klub arasında məsələ ilə bağlı müzakirə aparılıb. Slavişa Radoviç ölkəyə, şəhərə, komandaya uyğunlaşa bilməyib:
“Normal karyerası, yaxşı futbolçu keyfiyyətləri olsa da, təəssüf ki, bizim komandamızda oyunu alınmadı. Buna görə də iki tərəfin də qarşılıqlı razılığı ilə yollar ayrıldı. Çox yaxşı insan, əsl peşəkardır. Özü də etiraf etdi ki, burada qalıb yer tutmaqdansa, özünə uyğun, oynaya biləcəyi komanda tapsa, daha yaxşı olar”.
