Sumqayıtın 75 illiyinə cüdo turniri həsr edilib.
Sumqayıt24 xəbər verir ki, 44 günlük Vətən müharibəsində şəhid olan Mehrab Niftəliyevin qızı Ləman 2008-2010-cu il təvəllüdlü idmançılar arasında çempion olub. 36 kq çəki dərəcəsində mübarizə aparan Ləman Niftəliyeva bütün rəqiblərini məğlub edərək, fəxri kürsünün ən yüksək pilləsinə qalxıb.
Qeyd edək ki, Mehrab Niftəliyev Şuşa döyüşləri zamanı şəhid olub. Ölümündən sonra “Vətən Müharibəsi Qəhrəmanı” adına layiq görülüb. Həmçinin “Vətən uğrunda”, “Cəbrayılın azad olunmasına görə”, “Füzulinin azad olunmasına görə” və “Şuşanın azad olunmasına görə” medalları ilə təltif edilib.
