“Sumqayıt” “Fehervar”ın qonağı olub. Sumqayıt24 bu haqda 1 avqust tarixində xəbər verir.
Komandalar UEFA Konfrans Liqasının II təsnifat mərhələsində qarşılaşıblar. Macarıstanda keçən cavab oyunu qolsuz bərabərliklə yekunlaşıb. Sumqayıtdakı matçı 2:1 hesab ilə qazanan macarlar turu adlayıblar.
Klubumuzun baş məşqçisi Samir Abasov oyunla bağlı fikirlərini bölüşüb:
"Futbolçularıma təşəkkür edirəm. Ağır matçda qələbə qazana bilmədik. Böyük ümidlərlə gəlmişdik. Turnirə hazırlıqsız başlamışdıq. Süliman İsanın zədələnməsi, Murad Xaçayevin cəzalı olması bizi pis vəziyyətdə qoydu. Düşünürəm ki, futbolçular bacardıqlarını etdilər. Artıq çempionata köklənəcəyik".
