Azərbaycan millisində çıxış edən futbolçuların yeni transfer qiymətləri açıqlanıb. Onların arasında “Sumqayıt” FK-nın da oyunçuları var. Sumqayıt24 bu haqda transfermarkt.com-a istinadən xəbər verir.
Belə ki, klubumuzun yarımmüdafiəçisi Tellur Mütəllimovun transfer qiyməti 450 min avrodan (864 min manat) 400 min avroya (768 min manat) düşüb.
Digər oyunçularımız, müdafiəçi Höccət Haqverdinin və yarımmüdafiəçi Vüqar Mustafayevin isə transfer qiymətlərində heç bir dəyişiklik olmayıb. Hər ikisinin qiyməti 400 min avro olaraq qalmaqdadır.
