Sumqayıt Olimpiya İdman Kompleksinin təşəbbüsü ilə üzgüçülük yarışı keçirilib. Bu barədə 30 yanvar tarixində Sumqayıt24 xəbər verir.
2 Fevral-Gənclər Gününə həsr olunmuş yarış Qusar Olimpiya İdman Kompleksində baş tutub. Turnirdə Sumqayıt OİK, Sumqayıt Term İdman klubu, Qusar OİK, Abşeron OİK, Şağan OİK, “Dünya” (Bakı,Sumqayıt) məktəbi, “Aura” idman Klubunun idmançıları çıxış ediblər.
6-13 yaş arasında oğlan və qızlar arasında keçirilən yarışmada idmançılar 50 metr sərbəst, arxası üstdə, brass və delfin üsulu növləri üzrə güclərini sınayıblar.
12 idmançı ilə təmsil olunan Sumqayıt Olimpiya İdman Kompleksinin yetirmələri həm şəxsi, həm də komanda şəklində 11 qızıl, 2 gümüş, 2 bürünc medalla yarışmanın birincisi oldular. Ikinci yerə Abşeron OİK, üçüncü yerə isə “Aura” idman klubunun üzgüçüləri layiq görüldülər.
