“Sumqayıt” klubu gələn mövsümə hazırlığı bərpa edib. Sumqayıt24 bu haqda 29 iyun tarixində Football-plus.az-a istinadən xəbər verir.
Klubun mətbuat katibi Rəşad Məmmədov bildirib ki, yeni transfer Mehdi Cənnətov və Masaki Muratadan başqa, bütün futbolçular toplanışa qatılıblar. Cənnətov və Muratanın isə yaxın günlərdə kollektivə qoşulacaqları gözlənilir.
Qeyd edək ki, transfer çalışmalarını davam etdirən “kimyaçılar” portuqaliyalı Vasqo Braqanın xidmətində maraqlıdırlar. O, ötən mövsümü Portuqaliyanın ikinci divizion təmsilçisi “Penafiel”də keçirib. 29 yaşlı hücumameyilli yarımmüdafiəçi bu müddət ərzində 27 dəfə meydana çıxıb və 2 qol, 2 məhsuldar ötürmə ilə yadda qalıb. 2017-ci ildən “Penafiel”in formasını geyinən yarımmüdafiəçi hazırda azad agent statusu daşıyır.
