“Sumqayıt” və “Neftçi” klubları ölkə çempionatında 47 dəfə qarşılaşıb.
Sumqayit24.az azarkeşlər üçün statistik göstəriciləri araşdırıb. Əldə etdiyimiz məlumata görə, matçların 14-nü “Sumqayıt”, 23-nü isə rəqib komanda qazanıb. Qalan 10 matç heç-heçə bitib.
“Gənclik şəhəri” təmsilçisi “Neftçi”yə 51 qol vurduğu halda, qapısında 73 top görüb.
Komandalar arasında ilk görüş 21 avqust 2011-ci ildə baş tutub. “Neftçi” bu oyunda 4-0 hesablı qələbə qazanıb. Klubların 11 aprel 2024-cü ildə keçirdikləri son görüş isə bərabərliklə yekunlaşıb - 1:1.
Xatırladaq ki, “Sumqayıt” Premyer liqanın 8-ci turunda “Neftçi”nin qonağı olacaq. Matç 28 sentyabr saat 19:30-da başlayacaq. Qarşılaşmanı “CBC Sport” telekenalından izləyə bilərsiniz.
