“Sumqayıt” klubu “Qarabağ”la ölkə çempionatlarında 47 oyun keçirib.
Sumqayit24.az-ın əldə etdiyi məlumata görə, bu matçların 7-də “kimyaçılar”, 35-ndə isə “köhlən atlar” qələbəyə seviniblər. Digər 5 qarşılaşmada isə qalib müəyyənləşməyib.
Keçək vurulan qolların statistikasına. Keçirilən 47 oyunda “Sumqayıt” 26 dəfə, Ağdam təmsilçisi isə 115 dəfə fərqlənə bilib.
Xatırladaq ki, bu ilin 28 aprelində keçirilən son qarşılaşmada sumqayıtlılar rəqibdən üstün olublar - 1:0.
Xəbər verdiyimiz kimi, komandalar Premyer Liqanın 9-cu turu çərçivəsində Sumqayıtda qarşılaşacaqlar. Matç 6 oktyabr saat 20:00-da Mehdi Hüseynzadə adına stadionda keçiriləcək. Biletlərin satışına artıq start verilib.
