Sumqayıt idmançıları qılıncoynatma üzrə Beynəlxalq turnirdə uğurlar qazanıblar. Sumqayıt24 bu haqda 9 may tarixində xəbər verir.
Yarış Gürcüstanın Tbilisi şəhərində keçirilib. Təmsilçilərimiz Səid Sultanlı və Jasmin Vəliyeva bütün rəqiblərini yenərək qalib seçiliblər. Səid Sultanlı, həmçinin U-12 yaş qrupunda da 2-ci yeri tutub. Boyük yaş qrupunda Ayxan İslamzadə 3-cü, qızların yarışında isə Zuleyxa Sultanlı 2-ci olub.
Adıçəkilən idmançılar məşqçi Abdulla Həsənovun yetirmələridir.
Qeyd edək ki, “Sumqayıt qılıncoynatma” klubunda məşqlər ödənişsiz keçirilir. Ətraflı məlumat üçün (077) 218-19-19 nömrəsi ilə əlaqə saxlamaq lazımdır.
