Misli Premyer Liqasının 11-ci turunda "Qəbələ"nin qonağı olacaq "Sumqayıt"ın oyuna neçə itki ilə çıxacağı bəlli olub.
Bunu Fanat.az-a açıqlamasında "kimyaçılar"ın sözçüsü Zaur Xudiyev deyib:
"Uzun müddətə sıradan çıxdığı öncədən bəlli olan Ayxan Süleymanlını saymasaq, zədəli futbolçu yoxdur. Aleksa Yankoviç ötən tur "Araz-Naxçıvan"la oyunda 4-cü sarı vərəqəni alaraq cəzalı duruma düşdüyü üçün "Qəbələ"yə qarşı oynamayacaq".
Qeyd edək ki, "Qəbələ" - "Sumqayıt" qarşılaşması noyabrın 7-də keçiriləcək. Matçın start fiti 16:44-də səsləndiriləcək.
