Futbol Veteranları İttifaqı Tofiq Bəhramovun 100 illiyinə həsr olunan tədbir keçirəcək.
Bu barədə İdman.biz-ə məlumatı qurumun rəhbəri Oqtay Abdullayev verib. Bildirilib ki, Şamaxıda minifutbol yarışı təşkil olunacaq. Yanvarın 31-də baş tutacaq turnir Veteranlar İttifaqının təşəbbüsü ilə keçirilir:
“Mini futbol turnirində 40 nəfərin iştirakı gözlənilir. Şamaxıda “Sumqayıt”, "Neftçi", Milli və “Quba” olmaqla dörd komanda iştirak edəcək”.
Qeyd edək ki, 1925-ci il yanvarın 29-da doğulan futbol hakimi Tofiq Bəhramov 1993-cü il martın 26-da dünyasını dəyişib.
