“Sumqayıt” klubunun 6 futbolçusu milli komandalara dəvət alıb.
Sumqayit24.az xəbər verir ki, 5 sentyabr-27 oktyabr tarixlərində Belarusun Minsk şəhərində UEFA-nın İnkişaf turniri keçiriləcək. Yarışda 15 yaşadək futbolçulardan ibarət Azərbaycan milli komandası da mübarizə aparacaq. Sentyabrın 25-26-da Bakıda toplaşacaq milliyə “Sumqayıt” FK-nın 3 futbolçusu – Tunar Əsgərzadə, Ömər Kosayev və Hüseyn Mehralızadə dəvət alıb.
Bundan başqa daha 3 futbolçu – Tunar Mehdiyev, Əli İsrafilov və Kamal Zülfiyev isə sentyabrın 29-dan oktyabrın 7-dək Türkiyənin Ərzurum şəhərində keçiriləcək “U-16 Türk Dilli Ölkələr Turniri”ndə iştirak edəcək 16 yaşadək futbolçulardan ibarət milli komandaya dəvət alıblar.
