“Mən bu haqda xəbərləri yalnız mətbuatdan oxuyuram”.
Bunu “Sumqayıt” futbol klubunun prezidenti Riad Rəfiyev Sportinfo-ya açıqlamasında deyib. “Kimyaçılar”ın rəhbəri vaxtilə «Keşlə»də (indiki «Şamaxı»da) çalışmış Yuri Maksimovla danışıqlar aparması haqda yayılan informasiyaları təkzib edib.
Müsahib ukraynalı çalışdırıcıya təklif göndərmədiklərini bildirib:
“Vaqif Cavadov baş məşqçi vəzifəsinin icrasına yeni başlayıb. Bütün fikrimizi ona vermişik. Əvvəlki baş məşqçilərə olduğu kimi, Cavadova da maksimum dəstək verəcəyik. Bundan heç kimin şübhəsi olmasın.
Maksimov söhbəti haradan çıxıb, bilmirəm. Boş bir söhbətdir,
Bu, mənə o qədər də maraqlı deyil. Çünkü Maksimovla danışmamışıq və danışıqlar aparmağa da hazırlaşmırıq. İndi yalnız onu istəyirik ki, komanda özünə gəlsin və uğurlu çıxış etsin”.
