"Sumqayıt" futbol klubunda 3 günlük fasilə başa çatıb.
Sportinfo.az-ın məlumatına görə, kollektiv Vaqif Cavadovun rəhbərliyi altında hazırlığı doğma şəhərdə bərpa edib. Amma iki nəfər - Fernando Medeiros və Mehdi Cənnətov düşərgədə yer almayıblar.
Braziliyalı futbolçunun zədəsi var, millimizin qolkiperi isə şəxsi işləri ilə bağlı xaricə yollanıb. O, bu səbəbdən gənc mütəxəssisdən əlavə 2 gün icazə alıb.
Xatırladaq ki, Millətlər Liqasında arxada qalan 4 matçın hamısında 90 dəqiqə meydanda olan 32 yaşlı futbolçu bu dəfə Fernandu Santuşdan dəvət almayıb.
