“Sumqayıt” futbol klubunun rəhbərliyi Peşəkar Futbol Liqasına (PFL) müraciət edib.
Sportinfo-nun məlumatına görə, komanda Vaqif Cavadovu müvəqqəti baş məşqçi kimi oyunlara çıxarmaq üçün çempionatın təşkilatçısı olan qurumdan rəsmi icazə istəyib.
Qeyd edək ki, məşqçiliyə bir neçə il əvvəl başlayan Cavadov “A” kateqoriyasına malikdir. Premyer Liqada baş məşqçi işləmək üçün isə “Pro” lisenziyası tələbə olunur.
Klub başçıları Cavadovun üzləşdiyi vəziyyətin istisna hal kimi dəyərləndirilməsində maraqlıdırlar.
