Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında cüdo üzrə Azərbaycan millisi qarışıq komanda yarışlarının finalında Özbəkistanla qarşılaşıb.
Gərgin mübarizədə yığmamız rəqibini 4:0 hesabı ilə məğlub edərək çempion adını qazanıb.
Komandamızın heyətində Fidan Əlizadə, Hidayət Heydərov, Aytac Qardaşxanlı, Elcan Hacıyev, Günel Həsənli, Uşanqi Kokauri və Sumqayıt idmançısı olan Ruslan Paşayev yer alıb.
Sumqayıtlı cüdoçu Ruslan Paşayev fərdi yarışlarda da uğur qazanıb. O, üçüncü yer uğrunda Qırğızıstan təmsilçisi Erbol Abasbekovu ipponla məğlub edərək bürünc medalın sahibi olub.
