Dünyaca məşhur sumqayıtlı karateçi Rafael Ağayev karyerası ilə bağlı yekun qərarını verib. Sumqayıt24 bu haqda Oxu.az-a istinadən xəbər verir.
“Qara brilliant”ın sözlərinə görə, o, yanvarın 5-dək “Combat Karate” ilə 3 illik müqavilə bağlayacaq. Hazırlıq məqsədilə isə o, MMA və boks məşqlərinə başlayıb.
Ağayev qeyd edib ki, bundan sonra o, Avropa, dünya çempionatı və Avropa Oyunlarında iştirak edəcək. Həmçinin Rafael, İslamiadada karate yarışları olarsa, ora da qatılacağını açıqlayıb.
“Reytinqdə ilk “32-lik”də yerimi saxlamaq üçün il ərzində keçirilən Premyer Liqa yarışlarından bəzisində də iştirak edə bilərəm”, - deyə Rafael Ağayev bildirib.
