Azərbaycan Şahmat Federasiyası ətrafında qalmaqal böyüyür.
Sumqayit24.az xəbər verir ki, kişi şahmat yığmasına cəlb edilməyən 32 yaşlı qrosmeyster Vasif Durarbəyli özünə qarşı ayrı-seçkiliyə görə federasiyanı məhkəməyə və ya FIDE (Beynəlxalq Şahmat Federasiyası) Etika və İntizam Komissiyasına verəcəyini bildirib.
O, bunu əslən bakılı olan İsrail şahmatçısı Emil Sutovskiyə "feysbuk" hesabında yazdığı rəydə qeyd edib:
"Mən tezliklə bizim federasiyanı məhkəməyə verməyə hazırlaşıram. Həmçinin, bu məsələ ilə bağlı FIDE Etika Komitəsinə sorğu yönəldəcəm. Başa düşürəm ki, bu, müstəqil komitədir. Əgər məhkəmə və ya komitədə haqqımı sübuta yetirə bilsəm, ümid edirəm ki, FIDE mənə qarşı diskriminasiyaya qarşı ölçülər götürəcək".
Sumqayıt şahmat məktəbinin yetirməsi olan Vasif Durarbəyli 2006-cı ildə Gürcüstanın Batumi şəhərində U-14-lər arasında dünya, 2010-cu ildə U-18-lər arasında Avropa çempionu olub.
Foto açıq mənbələrdən
