Sumqayıtlı karateçi Rafael Ağayev “Karate Combat” turnirində 4 ildən sonra ilk döyüşünə çıxır. Bu haqda Oxu.az-a istinadən xəbər veririk.
Beşqat Dünya çempionu təşkilatla artıq müqavilə bağladığını, ilk döyüşün isə 28 yanvar tarixində, Macarıstanın paytaxtı Budapeştdə baş tutacağını bildirib.
Karateçimiz, rəqibinin adını müqavilə şərtlərinə əsasən açıqlamaqdan imtina edib.
Qeyd edək ki, adıçəkilən yarışın qaydalarına görə, idmançılar bir-birinə tam zərbə (“full contact”) vura bilərlər.
Xatırladaq ki, Rafael Ağayev bu turnirdə 2018-ci ildə Dominikan karateçisi Dionisio Qustavo ilə döyüşüb və rəqibini məğlub edib.
