Şahmatçı Şəhriyar Məmmədyarovun iştirakı ilə Rüstəm Kasımcanovun kuboku start götürüb. Sumqayıt24 bu haqda 29 mart tarixində Bizim.media-ya istinadən xəbər verir.
Daşkənddə sürətli formada keçirilən turnirin ilk günündə iştirakçılar beş oyun keçiriblər. “Şah” ilk mərhələdə olimpiya çempionu Cahongir Vahidovu udub, lakin digər özbək olimpiya çempionu Cavoxir Sindarova uduzub.
Üçüncü turda Aleksandr Qrişukla (Rusiya) heç-heçə edən şahmatçımız növbəti oyunda özbəkistanlı Nodirbek Yakubboyevə qalib gəlib. Məmmədyarov günün son turunda ev sahiblərinin lideri Nodirbek Abdusattorova uduzub.
Beləliklə, beş turdan sonra 2.5 xal toplayan Məmmədyarov 6-cı pillədə qərarlaşıb.
