45-ci Ümumdünya Şahmat Olimpiadası davam edir.
Sumqayıt24 xəbər verir ki, Macarıstanın paytaxtı Budapeştdə təşkil olunan yarışda 6-cı turun görüşləri keçirilib. Litva ilə qarşılaşan kişilərdən ibarət Azərbaycan yığması məğlub olub. Şəxsi görüşlərdə isə sumqayıtlı qrosmeyster Şəhriyar Məmmədyarov Valeri Kazakovskini üstələyib.
Qadınlardan ibarət millimiz isə Vyetnamı üstələyib. Həmyerlimiz Gövhər Beydullayeva da Phong Lungla dueldən qalib ayrılıb.
Qeyd edək ki, kişilərdən ibarət yığma buna qədər Monteneqro (3:1), İordaniya (3,5:0,5), Finlandiya (3,5:0,5) və Moldovanı (3:1) məğlub edib, Hindistana uduzub - 1:3.
Qadınlardan ibarət komanda isə Sloveniya (3:1), Nikaraqua (4:0) və Avstraliyadan (3:1) üstün olub, Argentina və Ukrayna ilə heç-heçə edib - 2:2.
