Bu gün “Tata Steel Chess India Rapid 2022” turnirində növbəti görüşlər keçiriləcək. Sumqayıt24 bu barədə 30 noyabr tarixində xəbər verir.
Hindistanın Kəlküttə şəhərində təşkil olunan yarışda qrosmeysterimiz Şəhriyar Məmmədyarov IV turda ABŞ-ni təmsil edən Hikaru Nakamura ilə, V, VI turlarda müvafiq olaraq, iranlı Parham Maqsudlu və hindistanlı Arcun Eriqaisi ilə üz-üzə gələcək.
37 yaşlı şahmatçımız əvvəlki üç görüşündə qələbə qazanıb və hazırda üç xalla 10 şahmatçı arasında liderdir.
Turnirin qalibi 10 min dollar mükafat əldə edəcək.
