“Sumqayıt” klubunun hücumçusu Nikola Vuynoviç yeni komandasını müəyyənləşdirib.
Sumqayit24.az xəbər verir ki, bu barədə Serbiya mətbuatı məlumat yayıb. Bildirilib ki, 28 yaşlı forvard “Partizan” klubunda çıxış edəcək. Monteneqro millisinin üzvü Belqrad təmsilçisi ilə ortaq məxrəcə gəlib. Vuynoviçin Azərbaycan klubu ilə müqaviləsi mövsümün sonuna qədər olsa da, hücumçunun yaxın vaxtlarda “Partizan”la rəsmi müqavilə imzalaması gözlənilir.
Qeyd edək ki, Nikola Vuynoviç “Sumqayıt”a ötən ilin yayında “NK Qoritsa”dan keçib.
