Sumqayıtda iki oğru saxlanılıb. Sumqayıt24 bu haqda 7 iyun tarixində Daxili İşlər Nazirliyinə (DİN) istinadən xəbər verir.
Polis İdarəsinə (ŞPİ) avtomobillərin şüşələrinin sındırılaraq salonlarından pul, mobil telefon və digər qiymətli əşyaların oğurlanması barədə çoxsaylı şikayətlər daxil olub. Hadisə yerlərinə baxış zamanı əməllərin eyni şəxs tərəfindən törədildiyinə dair əsaslı şübhələr yaranıb.
Nəticədə cinayətləri törətməkdə şübhəli bilinən 47 yaşlı Zakir Nurəliyev tutulub. Onun 15 avtomobilin şüşəsini sındıraraq oğurluq etdiyi müəyyən edilib.
Qeyd edək ki, Zakir əvəllər də oğurluq etdiyi üçün məhkum olunub. O, bu ilin fevralında azadlığa buraxılıb.
İdarə əməkdaşlarının keçirdikləri digər əməliyyat zamanı Sumqayıtda binaların girişlərindən velosipedləri oğurlayan keçmiş məhkum, 45 yaşlı Ramil İsgəndərov da saxlanılıb. Onun üzərində heroin də aşkarlanıb.
R. İsgəndərovun 20-yə yaxın velosiped oğurladığı məlum olub. Faktlarla bağlı araşdırmalar davam etdirilir.
Onların qanunsuz əməllərindən zərər çəkənlər varsa, bu barədə polisə məlumat verə bilərlər.
