Yenilənib 10:00
Sumqayıt şəhər prokurorluğu qətl hadisəsinin təfərrüatlarını açıqlayıb. Bu barədə APA-ya istinadən yazırıq.
Araşdırmalar zamanı Ayşən Bayramovanın, 28 yaşlı tanışı Xalid Əmənov tərəfindən şəxsi münasibətlər zəminində aralarında yaranmış mübahisə zamanı öldürülməsinə dair əsaslı şübhələr müəyyən edilib.
Faktla bağlı Cinayət Məcəlləsinin “qəsdən adam öldürmə” maddəsi ilə cinayət işi başlanıb. Əmənov şübhəli şəxs qismində tutulub.
——————————————————————————————————–
Saat 09:21
Sumqayıtda kirayədə yaşayan qadını boğaraq öldürüblər. Sumqayıt24 bu haqda APA-ya istinadən xəbər verir.
Hadisə 17-ci mikrorayon ərazisində qeydə alınıb. Mənzillərdən birinə keçirilən baxış zamanı orada 25 yaşlı Ayşən Bayramovanın cansız bədəni tapılıb. Buraya dərhal hüquq mühafizə orqanları cəlb edilib. Bayramovanın tanışı tərəfindən qətlə yetirildiyi və həmin şəxsin artıq saxlanıldığı bildirilir.
Faktla bağlı araşdırma aparılır.
