Qətldə şübhəli bilinən Seymur Quliyevin cinayət işi üzrə məhkəmə yekunlaşıb.
Sumqayıt24 xəbər verir ki, Sumqayıt Ağır Cinayətlər Məhkəməsində hakim Aynur Rzayevanın sədrliyi ilə keçirilən iclasda ona hökm oxunub. Hökmə əsasən, Seymur Quliyev 10 il müddətinə azadlıqdan məhrum edilib.
Qeyd edək ki, hadisə yanvarın 10-də baş verib. 1990-cı il təvəllüdlü Həsənalı Piriyevin kəsimiş-deşimiş xəsarətlərdən ölməsi barədə polisə məlumat daxil olub.
Polis əməkdaşları tərəfindən cinayətdə şübhəli bilinən, 1983-cu il təvəllüdlü Seymur Quliyev saxlanılıb. Hadisə şəxsi münasibətlər zəminində baş verib.
Əvvəllər məhkumluq həyatı yaşamış Həsənalının Quliyevə 300 manat borcu olub.
S. Quliyev dəfələrlə ondan borcunu qaytarmasını istəyib. Məlum hadisədən bir neçə saat öncə H. Piriyev tanışı ilə S. Quliyevin yanına gedərək məsələni həll etmək etmək istədiyini deyib. Bu zaman mübahisə yaranıb və Piriyev bıçaqlanıb. O, qayınanasının evinə doğru gedərkən küçədə keçinib.
Sumqayıt Prokurorluğunda istintaqı aparılan cinayət işi üzrə S. Qulıyevə Cinayət Məcəlləsinin 120.1-ci maddəsi ilə ittiham elan olunub.
