Sumqayıt şəhərinin H.Z.Tağıyev və Corat qəsəbələrinin sakinləri saxlanılıb. Bu haqda Daxili İşlər Nazirliyinin saytına istinadən xəbər veririk.
Tağıyev qəsəbəsi sakini O.Xudaverdiyevdən və onun yaşadığı evdən 3 kiloqramdan çox marixuana, 46 qramdan artıq tiryək, 2 ədəd metodon həbi aşkar edilib. Bundan əlavə 1 ədəd ov tüfəngi və qundağı, lüləsi kəsilmiş daha bir tüfəng, 2 ədəd bıçaq və 1 ədəd qaz balonu aşkarlanıb.
Corat qəsəbə sakinləri R.Məlikrzayev, A.Quliyev, H.Zahirov və Ə.Abbasovdan heroin və metamfetamin aşkarlanıb.
Aşkar olunan narkotik maddələr və qanunsuz saxlanılan silah-sursat müsadirə ediliblər.
