Sumqayıtda ahıl kişini öldürüb həyətdə basdıran Samir Abbasovun cinayət işi üzrə ibtidai istintaq yekunlaşıb. Bu barədə 20 yanvar tarixində Sumqayıt24 Lent.az-a istinadən xəbər verir.
Hakim Aynur Rzayevanın icraatına verilən işə Sumqayıt Ağır Cinayətlər Məhkəməsində baxılacaq.
Qeyd edək ki, avqustun 14-də Polis İdarəsinə 81 yaşlı Nadir Rzayevin itkin düşməsi ilə bağlı müraciət daxil olub. Oktyabrın 3-də N.Rzayevin üzərində zorakılıq əlamətləri olan meyiti evinin həyətində basdırılmış vəziyyətdə tapılıb.
İstintaq-əməliyyat tədbirləri ilə Sumqayıt şəhər sakini, əvvəllər məhkum olunmuş Samir Abbasovun N.Rzayevi qəsdən öldürməsinə əsaslı şübhələr müəyyən olunub.
Faktla bağlı Cinayət Məcəlləsinin “qəsdən adam öldürmə” maddəsi ilə cinayət işi başlanılıb.
