Deputatlığa namizəd həbs olunub. Sumqayıt24 bu haqda 2 avqust tarixində xəbər verir.
H.Z. Tağıyev qəsəbəsində 50 yaşlı Nazir Cavadovu bıçaqlayan 35 yaşlı Taleh Məmmədovla bağlı qərar verilib.
Baş Prokurorluq və Daxili İşlər Nazirliyinin birgə məlumatında bildirilib ki, Taleh Məmmədovun namizədliyi 29 iyulda qeydə alındığından Cinayət-Prosessual və Seçki məcəllələrinin tələblərinə əsasən, Baş prokuror onun cinayət məsuliyyətinə cəlb edilməsinə razılıq verib.
Toplanmış sübutlar əsasında Məmmədova Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə ittiham elan olunub. Əməlin ağırlıq dərəcəsi və xarakteri nəzərə alınaraq, barəsində istintaq orqanının vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə həbs qətimkan tədbiri seçilib.
Cinayət işi üzrə ibtidai istintaq davam etdirilir.
