Saray qəsəbəsində avtomobillə piyadanı vurub öldürən şəxsin cəzası artırılıb. Bu haqda Report-a istinadən xəbər veririk.
Hadisə 9 dekabr 2019-cu ildə baş verib. 66 yaşlı Ramiz İbrahimov idarə etdiyi "London Taxi" ilə 28 yaşlı Hüseyn İsmayılovu vurub. Nəticədə ikinci yerindəcə keçinib. Bu səbəbdən sürücü 4 il 6 ay müddətinə azadlıqdan məhrum edilib.
Lakin hökmdən narazı qalan zərərçəkmişin hüquqi varisi apellyasiya şikayəti və dövlət ittihamçısı apellyasiya protesti verib.
Sumqayıt Apellyasiya Məhkəməsində hakim Elman Rəhimovun sədrliyi ilə keçirilən prosesdə yekun qərar verilib və Ramiz İbrahimovun cəzası 5 il müddətinə artırılıb.
