Sumqayıt sakinləri paytaxda oğurluq etməkdə şübhəli bilinir. Bu haqda bu gün, 21 may tarixində Report-a istinadən xəbər veririk.
Məlumata əsasən, hadisə Bakı şəhəri, S.Məmmədova küçəsindəki evlərin birində baş verib. Buradan 400 manat, 400 ABŞ dolları, 1620 manat dəyərində 4 ədəd qol saatı, çanta və 2 ədəd kassa aparatı oğurlanıb.
Keçirilən axtarış tədbirləri nəticəsində Sumqayıt şəhər sakinləri Zaur Ərzimanov və Nurlan Məmmədov, Lənkəran rayon sakini Məmmədhəsən Nəzərli və Abşeron rayon sakini Ərəstun Məmmədov saxlanılıblar.
Faktla bağlı araşdırma aparılır.
