Bərbər onun yanına saçını kəsdirməyə gələn oğlana qarşı əxlaqsızlıq edib.
Sumqayit24.az-ın məlumatına görə, hadisə Qobustanda baş verib.
Belə ki, 1996-cı il təvəllüdlü Vüqar (ad şərtidir) Qobustan şəhərində yerləşən bərbərxanada işləyir. O, bərbərxanada olarkən yetkinlik yaşına çatmayan, 2006-cı il təvəllüdlü, zərərçəkmiş Cavid (ad şərtidir) saç kəsdirmək üçün ora gəlib.
Vüqar onun saçlarını kəsdikdən sonra yetkinlik yaşına çatmayan oğlana əxlaqsızlıq etməyə başlayıb. Lakin zərərçəkmiş şəxs bundan imtina edib. Sonra Vüqar masadan ülgücü əlinə götürüb oğlanın boynunun yan hissəsinə tutaraq, səsini çıxaracağı təqdirdə başını kəsəcəyi ilə hədə-qorxu gəlib. Ardınca Cavidə qarşı seksual xarakterli digər zorakılıq hərəkətləri edib.
Sumqayıt Ağır Cinayətlər Məhkəməsində seksual xarakterli zorakılıq hərəkətləri etməkdə təqsirləndirilən Vüqarın cinayət işi üzrə məhkəmə istintaqı başa çatıb.
Sonuncu keçirilən prosesdə hökm oxunub. Məhkəmənin qərarı ilə o, 7 il müddətə azadlıqdan məhrum edilib.
Qeyd edək ki, Vüqar daha əvvəl narkotikə görə həbs edilib və məhkumluq həyatı yaşayıb.
