Sumqayıtda qətlə yetirilən qızın meyiti 4 gün bağlı qapı arxasında qalıb. Sumqayıt24 bu haqda Oxu.az-a istinadən xəbər verir.
Xəbər verdiyimiz kimi, hadisə 25 yaşlı Ayşən Bayramovanın 17-ci mikrorayon ərazisində yaşadığı kirayə mənzildə baş verib. Onu, tanışı Xalid Əmənov boğularaq öldürüb. Binada yaşayan sakinlər 12 may tarixində oradan kəskin qoxunun gəldiyini hiss edərək hüquq-mühafizə orqanlarına müraciət ediblər. Nəticədə, onun cansız bədəni hadisədən 4 gün sonra həmin mənzildə aşkar edilib.
Araşdırmalar zamanı məlum olub ki, gənc qızın həyat tərzi və şəxsi seçimləri səbəbindən ailəsi uzun müddət onunla maraqlanmayıb. Ayşənin harada yaşamasını hətta qohumları da bilməyib. Onun meyiti morqa aparılarkən yaxınlarından heç kim orada olmayıb.
