Sumqayıtda qəsdən adam öldürməyə cəhddə təqsirləndirilən Elməddin Əsədovun cinayət işi üzrə məhkəmə istintaqı başa çatıb. Bu haqda 7 sentyabr tarixində Sumqayıt24 Pravda.az-a istinadən məlumat verir.
Proses Sumqayıt Ağır Cinayətlər Məhkəməsində keçirilib. Məhkəmə kollegiyasının hökmü ilə o, 10 il müddətinə azadlıqdan məhrumetmə cəzasına məhkum edilib.
Qeyd edək ki, hadisə ötən ilin mart ayında 13 nömrəli məktəbin yaxınlığında qeydə alınıb. 40 yaşlı Elməddin Əsədov münaqişə zəminində qonşusu Seymur Həsənova bıçaqla xəsarət yetirib. Zərərçəkmiş xəstəxanaya yerləşdirilib və onun həyatını xilas etmək mümkün olub.
Cinayət hadisəsi Seymurun Elməddindən götürdüyü 30 manat borc pulu vaxtında qaytarmamasına görə baş verib.
