Ceyranbatan qəsəbəsində mağazada oğurluq baş verib. Sumqayıt24 bu haqda 5 oktyabr tarixində Daxili İşlər Nazirliyinin mətbuat xidmətinə istinadən xəbər verir.
Hadisə 3 oktyabr tarixində qeydə alınıb. Obyektlərin birinə daxil olan naməlum şəxs kassadan soyğunçuluq yolu ilə 70 manat pulu talayıb. Polis əməkdaşları dərhal əməliyyat tədbirləri keçiriblər.
Nəticədə qəsəbə sakini, əvvəllər dəfələrlə məhkum olunmuş Süleyman Abdullayev şübhəli şəxs qismində saxlanılıb. Araşdırma aparılır.
