Xuliqanlıqda təqsirləndirilən Cəmil Fərəczadənin (şərti) cinayət işi üzrə məhkəmə istintaqı yekunlaşıb. Sumqayıt24 bu haqda 17 iyul tarixində Pravda.az-a istinadən xəbər verir.
Abşeron Rayon Məhkəməsində hakim Abusət Qasımovun sədrliyi ilə keçirilən prosesdə hökm oxunub. Nəticədə onun azadlığı 1 il müddətinə məhdudlaşdırılıb (elektron qolbaq).
İttihama görə, hadisə 1 dekabr 2023-cü ildə Bakı–Sumqayıt yolunun Ceyranbatan qəsəbəsindən keçən hissəsində baş verib. “Chevrolet”in sürücüsü Rahib Həsənov (şərti) önündə “Daewoo” markalı avtomobillə gedən Cəmil Fərəczadəyə siqnal verib.
Fərəczadə maşını zərərçəkmişin qarşısına sürərək saxlayıb. O, Rahibə yaxınlaşaraq pəncərədən onu yumruqlayıb.
Hadisədən sonra Cəmil Fərəczadə saxlanılıb.
