Yeniyetmələr arasında yaşanan insidentin detalları açıqlanıb. Sumqayıt24 bu haqda 2 iyul tarixində Den.az-a istinadən xəbər verir.
"Ceyranabatan bağları" adlanan ərazidə 15 yaşlı Elgün Qasımov həmyaşıdı Əli İsmayılov və özündən iki yaş böyük Rasif Manıyevi bıçaqlamışdı. İsmayılovun dayısı bildirib ki, Elgün yaxınlıqda ailəsi ilə birlikdə kirayədə qalır. Bacısı oğluna 4, digər yeniyetməyə isə çoxsaylı ağır bıçaq zərbələri vurulub.
Mübahisənin söyüş üstündə törədildiyi iddia olunur.
Sumqayıt Tibb Mərkəzindən bildirilib ki, yeniyetmələr Uşaq Xəstəxanasının Təcili yardım şöbəsinə yerləşdiriliblər. Elgünə döş qəfəsinin sol yarısının kəsilmiş-deşilmiş yarası və sol bazu nahiyəsinin kəsilmiş-deşilmiş yarası diaqnozları təyin edilib. Əliyə isə bel-omba nahiyəsinin kəsilmiş-deşilmiş yarası və üz nahiyəsinin kəsilmiş-deşilmiş yaraları diaqnozları qoyulub. Hər iki yeniyetmə əməliyyat olunub. Vəziyyətləri stabildir.
Araşdırma aparılır.
