Sumqayıtda cibgirlik etməkdə şübhəli bilinən şəxslər saxlanılıblar. Bu haqda 5 may tarixində Sumqayıt24 Daxili İşlər Nazirliyinin (DİN) Mətbuat Xidmətinə istinadən xəbər verir.
Şəhər ərazisində bir nəfərin içərisində pul və bank kartı olan cüzdanının oğurlanması və sonradan həmin kartdan 190 manat dəyərində alış-veriş edilməsi barədə polisə məlumat daxil olub.
Polis əməkdaşları tərəfindən keçirilən əməliyyat tədbiri nəticəsində oğurluq əməlində şübhəli bilinən şəhər sakinləri Tural Abbasov və Yavər Şərifov müəyyən olunaraq saxlanılıblar.
Faktla bağlı araşdırma aparılır.
