Hədə-qorxu ilə tələb etmədə təqsirləndirilən E.Paşayevin apellyasiya şikayətinə baxılıb.
Pravda.az-ın məlumatına görə, Sumqayıt Apellyasiya Məhkəməsində hakim Məhəmmədəli Rzayevin sədrliyi ilə keçirilən prosesdə qərar elan olunub. Qərara əsasən, apellyasiya şikayəti təmin edilməyib.
İttihama görə, E.Paşayev zərərçəkmiş M.M-ni (şərti) çılpaq fotoşəkillər və videogörüntülərlə şantaj edərək, ondan 2021-ci ildə Bakı şəhəri, metronun “Koroğlu” stansiyasının qarşısındakı ərazidə 2000 manat pul alıb.
Təqsirləndirilən şəxs 5 yanvar 2022-ci ildən başlayaraq həmin çılpaq fotoşəkilləri və videogörüntüləri internet sosial şəbəkələrdə yayıb onu rüsvay edəcəyi ilə hədələyib. Sonra E.Paşayev bunun müqabilində M.M-dən 10 min manat məbləğində pulu hədə-qorxu ilə tələb edib.
Sumqayıt Ağır Cinayətlər Məhkəməsinin hökmü ilə o, 7 il 6 ay müddətinə azadlıqdan məhrum edilib.
