Sumqayıtda tanışını öldürən Azər Dadaşov cəzalandırılıb. Sumqayıt24 bu haqda 11 iyun tarixində Pravda.az-a istinadən xəbər verir.
Sumqayıt Ağır Cinayətlər Məhkəməsində onun cinayət işi üzrə iclas başa çatıb. Məhkəmənin hökmü ilə Azər 10 il müddətinə həbs olunub. O, cəzasını ciddi rejimli cəzaçəkmə müəssisəsində çəkəcək.
Qeyd edək ki, hadisə 17 dekabr 2022-ci ildə baş verib. Corat qəsəbəsində 1989-cu il təvəllüdlü Cavid Şirməmmədov bıçaqlanaraq qətlə yetirilib.
Sumqayıt Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Araşdırmalar zamanı zərərçəkmişin tanışı, qəsəbə sakini, 1985-ci il təvəllüdlü Azər Dadaşovun münaqişə zamanı onu bıçaqlayaraq qəsdən öldürməsinə əsaslı şübhələr müəyyən edilib.
