Sumqayıtdakı qətldə şübhəli şəxs tutulub. Sumqayıt24 bu haqda 30 oktyabr tarixində xəbər verir.
Polis əməkdaşları tərəfindən 2 nəfəri öldürmək, 4 nəfəri isə yaralamaqda şübhəli bilinən Corat qəsəbə sakini, 36 yaşlı Müşviq Tağıyev saxlanılıb. Hadisənin tamah məqsədilə törədildiyi ehtimal edilir.
Xatırladaq ki, 28 oktyabr saat 05:50 radələrində Corat bağlarındakı fərdi yaşayış evində Susana Karakaş və Dağbəyi Fərəcov odlu silahla qətlə yetiriliblər. Həmçinin Tərlan Fərəcova, Serkan Karakaş, daha sonra isə hadisə yerinə gələn qonşular – Etibar Sarıyev və Mehman Sarıyev xəsarət alıblar.
