Onlayn falçı saxlanılıb. Sumqayıt24 bu haqda 22 may tarixində Lent.az-a istinadən xəbər verir.
Sumqayıt sakini olan qadın sosial şəbəkələrdə kiberdələduzlar tərəfindən idarə olunan “fala baxdırma”, “bəxt açma” kimi səhifələrdən birinə müraciət edib. Onun məqsədi ərinin xəyanət edib-etmədiyini öyrənmək olub.
Dələduzlar xanımda maraq oyatmaq üçün: “Bəli, əriniz sizə sarısaçlı bir qadınla xəyanət edir. Onun kimliyini öyrənmək istəyirsizsə, ödəniş etməlisiniz”, – deyiblər.
Qadının bank kartının məlumatlarını bu yolla öyrənib 400 manat pulunu ələ keçiriblər, özünü isə “bloka atıblar”.
Qadın dərhal polisə müraciət edib. Polis əməkdaşları onlayn falçılıqla məşğul olan şəxsi tutublar.
Araşdırma aparılır.
