Sumqayıtda gənc oğlan bıçaqlanıb. Bu haqda 13 iyul tarixində Sumqayıt24 xəbər verir.
Hadisə dünən axşam saatlarında Heydər Əliyev parkında qeydə alınıb. 17-18 yaşlarında olan bir qıza yaxınlaşıb tanış olmaq istəyən 42 yaşlı Elnur Əzizovu (ad və soyad şərtidir) görən İlkin Məmmədov hadisəyə müdaxilə edib.
"Kişini qırağa çəkib bir az söhbət etdim, sonra o uzaqlaşdı. 10-15 dəqiqə sonra kişi yenə mənə yaxınlaşdı və qəfildən bıçağı çıxarıb boğazıma vurdu", - deyə İ. Məmmədov bildirdi.
Hazırda İ. Məmmədov xəstəxanadan evə buraxılıb, boynuna tikiş qoyulub və vəziyyəti kafidir. Bildirək ki, Elnur Əzizovun psixiatriya dispanserindən kağızı var.
