Corat bağlarında 3 nəfəri öldürüb, 3 nəfəri yaralamaqda təqsirləndirilən Müşfiq Tağıyevin həbs müddəti 4 ay uzadılıb. Sumqayıt24 bu haqda 27 fevral tarixində Report.az-a istinadən xəbər verir.
Bununla bağlı qərar Şəhər Prokurorluğunun təqdimatı əsasında Sumqayıt Şəhər Məhkəməsində verilib.
Qeyd edək ki, hadisə 28 oktyabr 2023-cü ildə baş verib. Fərdi yaşayış evində saat 05:50-də odlu silahla Susana Karakaş və Dağbəyi Fərəcov öldürülüblər. Tərlan Fərəcova, Serkan Karakaş və daha sonra hadisə yerinə gələn qonşular – Etibar Sarıyev və Mehman Sarıyev yaralanıblar.
Türkiyə xəstəxanasına köçürülən Serkan Karakaş da həkimlərin səylərinə baxmayaraq, vəfat edib.
Polis cinayəti törətməkdə şübhəli bilinən Corat qəsəbə sakini, 37 yaşlı Müşfiq Tağıyevi tutub.
