Sumqayıtdakı 18 saylı yataqxanada baş vermiş dəhşətli qətlin təfərrüatları məlum olub. Bu haqda 19 aprel tarixində Sumqayıt24 Bizim.Media.az-a istinadən məlumat verir.
Xəbər verildiyi kimi, hadisə 18 saylı yataqxanada baş verib. Sumqayıt Mənzil-Kommunal Təsərrüfatı İstehsalat Birliyindən bildirilib ki, valideynlərini qətlə yetirməkdə şübhəli bilinən Fikrət Məmmədov narkotik istifadəçisi olub:
“Oğlan bir həftə bundan əvvəl xuliqanlığa görə saxlanılıb, sonra azadlığa buraxılıb. Çıxan kimi bu hadisəni törədib. Oğlanın bir bacısı var, ailəlidir. Bunlar elə üç nəfər yaşayıblar. Ata Hakim Məmmədov işləmirdi, təqaüdçü olub. Ana Zərifə Məmmədova isə evdar qadın idi”.
İdarədən verilən məlumata görə, ərlə arvad əvvəllər Sumqayıtdakı Səthi Aktiv Maddələr zavodunda çalışıblar:
“Bu yataqxanadakı mənzil də ailəyə həmin zavod tərəfindən verilmişdi. Fikrət ata-anası ilə heç yola getmirdi, həmişə mübahisələri düşürdü. Bu yaxınlarda atasının başını daşla vurub yarıbmış”.
